Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 41-1} pāṭukam vā vāḻi tōḻi vaya kaḷiṟṟu
• {KALI 41-2} kōṭu ulakkai āka nal cēmpiṉ ilai cuḷaku ā
• {KALI 41-3} āṭu kaḻai nellai aṟai ural uḷ peytu iruvām
• {KALI 41-4} pāṭukam vā vāḻi tōḻi nal tōḻi pāṭuṟṟu
• {KALI 41-5} iṭi umiḻpu iraṅkiya viravu peyal naṭunāḷ
• {KALI 41-6} koṭi viṭupu iruḷiya miṉṉu cey viḷakkattu
• {KALI 41-7} piṭiyoṭu mēyum puṉcey yāṉai
• {KALI 41-8} aṭi otuṅku iyakkam kēṭṭa kāṉavaṉ
• {KALI 41-9} neṭu varai āciṉi paṇavai ēṟi
• {KALI 41-10} kaṭu vicai kavaṇaiyil kal kai viṭutaliṉ
• {KALI 41-11} iṟu varai vēṅkai oḷ vī citaṟi
• {KALI 41-12} āciṉi mel paḻam aḷintavai utirā
• {KALI 41-13} tēṉ cey iṟāal tuḷaipaṭa pōki
• {KALI 41-14} naṟu vaṭi māviṉ paim tuṇar uḻakki
• {KALI 41-15} kulai uṭai vāḻai koḻu maṭal kiḻiyā
• {KALI 41-16} palaviṉ paḻattu uḷ taṅkum malai keḻu veṟpaṉai
• {KALI 41-17} pāṭukam vā vāḻi tōḻi nal tōḻi pāṭuṟṟu
• {KALI 41-18} ilaṅkum aruvittu ilaṅkum aruvittu ē
• {KALI 41-19} vāṉiṉ ilaṅkum aruvittu ē tāṉ uṟṟa
• {KALI 41-20} cūḷ pēṇāṉ poyttāṉ malai
• {KALI 41-21} poyttaṟku uriyaṉ ō poyttaṟku uriyaṉ ō
• {KALI 41-22} añcal ōmpu eṉṟārai poyttaṟku uriyaṉ ō
• {KALI 41-23} kuṉṟu akal nal nāṭaṉ vāymaiyil poy tōṉṟiṉ
• {KALI 41-24} tiṅkaḷ uḷ tī tōṉṟiyaṟṟu
• {KALI 41-25} iḷa maḻai āṭum iḷa maḻai āṭum
• {KALI 41-26} iḷa maḻai vaikal um āṭum eṉ muṉkai
• {KALI 41-27} vaḷai nekiḻa vārātōṉ kuṉṟu
• {KALI 41-28} vārātu amaivāṉ ō vārātu amaivāṉ ō
• {KALI 41-29} vārātu amaikuvāṉ allaṉ malai nāṭaṉ
• {KALI 41-30} īrattu uḷ iṉṉavai tōṉṟiṉ niḻal kayattu
• {KALI 41-31} nīr uḷ kuvaḷai ventaṟṟu
• {KALI 41-32} maṇi pōla tōṉṟum maṇi pōla tōṉṟum
• {KALI 41-33} maṇṇā maṇi pōla tōṉṟum eṉ mēṉiyai
• {KALI 41-34} tuṉṉāṉ tuṟantāṉ malai
• {KALI 41-35} tuṟakkuvaṉ allaṉ tuṟakkuvaṉ allaṉ
• {KALI 41-36} toṭarpu varai veṟpaṉ tuṟakkuvaṉ allaṉ
• {KALI 41-37} toṭar uḷ iṉaiyavai tōṉṟiṉ vicumpil
• {KALI 41-38} cuṭar uḷ iruḷ tōṉṟiyaṟṟu
• {KALI 41-39} eṉa āṅku
• {KALI 41-40} naṉṟu ākiṉṟu āl tōḻi nam vaḷḷai uḷ
• {KALI 41-41} oṉṟi nām pāṭa maṟai niṉṟu kēṭṭu aruḷi
• {KALI 41-42} mel tōḷ kiḻavaṉ um vantaṉaṉ nuntai um
• {KALI 41-43} maṉṟal vēṅkai kīḻ iruntu
• {KALI 41-44} maṇam nayantaṉaṉ a malai kiḻavōṟku ē